Thursday 7 March 2013

Bachhe Kee Badlatee Tasveer – I


Soniya Ek Maal Me Kaam Karti Thee Aur Uska 8 Saal Ka Beta
Tisaree Classs Me Padhta Tha. Soniya Kee Shadee Bahut Hee Kam Umra Me Ho Gayee
Thee. Shadee Ke Ek Saal Baad Uska Pati Use Chhod Kar Chala Gaya, Uas Samay
Soniya Garbhvati Thee. Soniya Ke Pati Ke Jaane Ke Chaar Mahine Baad Sandup Ka
Janm Hua. Bachhe Ki Kilkariyo Se Soniya Ka Ghar Gujane Laga Jisame Chaar Mahine
Se Soniya Kisi Tarah Akele Jee Rahee Thee. 





Soniya Roj Subah Sandup Ko Taiyar Karke School Chhodti Aur
Vaha Se Kaam Chali Jaati. Mall Se Din Bhar Thak Kar Jab Soniya Ghar Aati To
Aapne Bete Ko Gale Lagane Ke Baad Uskee Saree Thakan Dur Ho Jatee. Ma Aur Bete
Ka Rishta Bahut Hee Pyaara Tha. Soniya Sandup Ko Jaane Se Jyda Pyar Karti Thee.
Ma Bete Ke Esi Pyaar Ke Karan Soniya Ne Dusaree Shadee Nahi Ki.  18 Saal Ki Umra Me Sandup Ka Janm Hua Tha Aur
Soniya Ko Aapni Puri Jindagi Bete Ke Sahare Hee Jeena Tha.





Soniya Aur Sandup Ne Milkar Ravivaar Ke Din Cinema Jane Ka
Plan Banaya. Sandup Cinema Jane Ke Liye Bahut Khush Tha. Ravivar Ke Din Subah
Uthkar Ma Aur Bete Dono Taiyar Ho Gaye. Ghar Se Bahar Nikalne Wale Hee The Ki
Achnak Se Phone Ki Ghanti Bajee “Tring-Tring ---- Treeng Treeng” Soniya Ne
Phone Uthaya Aur Phir Theek Hai Bolkar Phone Neeche Rakh Diya. Soniya Ganbhir
Ho Gayee To Bete Ne Ma Ke Man Ko Turant Bhaanp Liya. Soniya Ne Kaha Beta
Achanak Se Mujhe Kuchh Jaruri Kaam Aa Gaya Hai To Mujhe Jana Hoga. Soniya Ne
Khyal Rakhna Bolkar Darwaza Band Kiya Aur Kaam Par Chali Gayi.





Soniya Thak Kar Shaam Ko Jab Ghar Aayi To Ghar Par Sannat
Tha. Soniya Ko Laga Ki Shayad Naraj Hokar Sandup So Gaya Hai. Soniya Daudate
Huye Sandup Ke Kamare Me Gayi Par Vo Vaha Nahi Tha. Soniya Kuchh Pareshan Hui
Aur Daudate Hue Ghar Se Bahar Aa Gayi Aur Pados Ke Gharo Me Jakar Apne Bete Ko
Dhundhane Lagee. Sandup Ka Kahi Ata Pata Nahi Tha. Soniya Ne Police Ko Phone
Karake Report Likhana Chahi To Police Ne Saph Mana Kar Diya. Police Ke Anushar
Lapta Hone Ki Report Aap 24 Ghante Ke Baad Hee Likhs Sakta Hai.





Raat Kat Gayi Aur Subah Soniya Ne Phir Se Police Ko Phone
Kiya. 24 Ghant Se Jyada Ka Samay Beet Chuka Tha To Eas Baar Police Ko Report
Likhani Padi. Police Ne Soniya Ke Ghar Ka Pata Note Kiya Aur Kuchh Hee Minato Me
Usake Yaha pahuch Gayi. Soniya Ne Police Ko Ravivar Ki Sari Ghatnaye Batayee.
Police Ne Soniya Se Sandup Ki Photo Mangi Aur Usake Kad-Kathi Ka Byora Lekar
Chali Gayi. Soniya Pure Din Eas Kamare Se Us Kamare Me Ghoomkar Rote Rahi Aur
Din Jaise Katne Ka Naam Nahi Le Raha Tha.





Agale Din Subah Phone Ki Ghantee Phir Bajee “Tring Tring
-----Treeng Treeng” Soniya Ne Daudkar Phone Uthaya Aur Dusare Taraf Se Daroga
Sahab Ne Kaha Aap Police Station Aa Jao, Soniya Kuchh Bolti Esase Pahele Daroga
Sahab Ne Phone Rakh Diya. Soniya Jhat Se Taiyyar Hokar Police Station Pahuch
Gayi. Daroga Sahab Police Station Me Nahi The. Soniya Ne Ek Hawldar Se Sandup
Ke Bare Me Puchha Par Use Kuchh Bhi Nahi Pata Tha. Soniya Ek Kone Me Baithkar
Daroga Sahab Ka Intzaar Karne Lagi.





Daroga Sahab Ki Gadi Police Station Ke Bahar Aakar Ruki.
Soniya Jhatpat Apne Jagah Se Uthi Aur Daroga Sahab Ki Taraf Chal DI. Daroga
Sahab Ne Soniya Ko Aate Dekha To Thoda Ganbhir Ho Gaye. Soniya Ne Puchha Kuchh
Pata Chala Mere Bete Ka, Daroga Sahab Shant Khade The. Soniya Ne Phir Puchha
Kuchh Pata Chala Mere Bete Ka To Daroga Sahab Ne Kaha, Ha. Soniya Ne Kaha Jaldi
Se Batao Mera Beta Kaha Hai. Mujhe Aapne Bete Se Milna Hai. Daroga Sahab Chup
Khade The.





Daroga Sahab Ne Soniya Ko Gadi Ki Taraf Chalane Ka Ishara
Kiya. Soniya Gadi Me Aakar Pichhe Ki Taraf Baith Gayee. Daroga Sahab Gadi Me
Baithe Aur Gadi Chalu Ho Gayi. Gadi Me Ek Dam Sannata Tha. Thand Kadake Kee
Thee Easliye Rod Par Bhi Jyda Bheed Nahi Thee. Das Minat Ke Baad Gadi Ek Jagah
Ruk Gayi. Daroga Sahab Ne Soniya Ko Gadi Se Utarne Ke Liye Kaha. Soniya Jaise
Hee Gadi Se Bahar Aayi, Usane Dekha Ki Vo Ek Hospital Ke Samane Khadi Hai.
Soniya Ne Daroga Sahab Se Puchh, Thik To Hai Mera Beta.





Daroga Sahab Soniya Ko Lekar Shav Kaksh Ke Yaha Pahuche.
Soniya Ne Shav Kaksh Ke Andar Jane Se Mana Kar Diya. Daroga Sahab Ne Kaha Hame
Ek Ladake Ki Laash Bahut Hee Buree Halat Me Mili Hai. Lash Kee Pahchan Karna
Mushkil Hai Parantu Usake Kapde Sandup Ke Kapdo Se Milte Hai Jo Usane Lapta
Hone Ki Din Pahene The. Lash Ke Gake Me Jo Locket Hai Uspar Dil Ke Aakar Me S
Likhe Hai. Jaisa Ki Soniya Ke Anushar Sandup Ke Gale Me Tha.Soniya Ne Lakh
Samjhane Par Bhi Lash Ki Shinkhat Nahi Ki Aur Ghar Chali Gayee.





Police Ne Sandup Ka PanchNaama Karake Mrit Ghoshit Kar Diya
Aur Police Ne Eas Lapta Case Ko Apni File Ke Andar Kahi Ee Panne Me Dafn Kar
Diya.




Doing Kamaal,
 


Kamal Upadhyay





Keep
reading will post part two very soon. 


.