Musladhaar Barish Ek Saptha Tak Hui Aur Phir Ruk Gayi. Log
Kheto Mai Dhan Ki Buwai Aur Gudai Mai Lag Gaye. Pahadi Elaka Tha To Logo Ke
Pass Kheti Ke Layak Jameen Kam Thi. Har Kisis Ke Pass Itani Jamin Thi Ki Jisase
Unka Gujar Basar Ho Jaye. Gaon Mai Ab
Bhar Pet Pine Ko Pani Tha. Pahado Se Pani Rista Aur Jharne Bhi Jhar-Jhar Bah
Rahe The.
Dattu Ki Shadi Barish Ke Der Se Aane Ke Karan Tal Gayi Thi
Aur Ab Jab Barish Aa Gayi Hai To Dattu Ki Shadi Bhi Nazdik Aa Gayi. Dattu Pure
Gaon Mai Sabse Padha Likha Aadmi Tha. Dattu Ne Pachvi Class Tak Padhai Ki Thi.
Eas Pahadi Gaon Mai School Na Tha. Dattu Ne Aapni Padhi Mama Ke Yaha Ki. Dattu
Padh Hi Raha Tha Ki Usake Pita Jee Ka Nidhan Ho Gaya To Eas Karan Dattu Ko
School Beech Mai Chhodkar Aana Pada.
Dattu Ki Hone Wali Patni Bhi Tisari Class Tak Padhi Thi.
Dattu Ki Hone Walo Patni Ka Naam Soniya Tha. Badi Tajjub Ki Baat Ye Hai Ki
Pahadi Elako Mai Sabka Naam Bada Hee Atpata Hota Hai Par Soniya Ka Naam To
Ekdam Naye Jamne Ka Lagta Tha. Dattu Ne Soniya Ko Dekha Nahi Tha Par Use Soniya
Ka Naam Itna Pasand Aa Gaya Ki Usane Jhat Shaadi Ke Liye Ha Kar Di. Dattu Ko
Khushi Eas Baat Ki Thi Ki Barfi, Jalebi, Emarta Ke Jamane Mai Soniya Bada Hee
Pyara Naam Tha.
Barish Ho Gayi To Shadi Ka Din Bhi Tay Ho Gaya. Shadi Ke
Liye Soniya Ke Pita Jee Paanch Sau Rupaye Tilak Mai Diya. Pahadi Jamat Mai
Pahali Bar Kisi Ko Tilak Mai Paanch Sau Rupaye Mile Tha, Kyo Nahi Milta Dattu Padha
Likha Tha Unke Pass Khet Aur Ped Bhi The. Shadi August Ke Pahale Mahine Mai Tay
Hui.
Barish Wali Shadi Barish Mai !!
Doing Kamaal,
Kamal Upadhyay
No comments:
Post a Comment