Maine apne saath biti raat ki ghatna ko apne dosto ko bataya aur sab dost jor jor se hasne lage. Ham sabhi dost milkar ek dusare ke saath sabhi ghatnao ka jikra karne lage. Parmesh ne bataya ki use aaj bhi Chudail ke payal ki aawaj sunai deti hai. Vo Jab kabhi raat ko bedroom ki khidaki ke pass baithkar padhai karta tha tab aadhi raat ke baad achnak se chhan-chhan ki aawaj aane lagti thee.
Ham logo ne Parmesh ko kahani detail me batane ke liye kaha. Parmesh ne kaha ye kahani badi lambi hai. Ham logo ne kaha lambi hai to kya hua to shuru ho jaa. Parmesh ne kahani shuru kar dee. Baat uas samay ki hai jab class 10 me tha. Class 10 board ke exam thee to mai roz raat ko der tak padhai karta tha. Mumbai ke sabse behtarin college me dakhile ke liye padhai bahut jaruri thee.
Board Exam shur hone par mai kafi der raat tak padhane laga. Ek din mai padhai kar raha tha aue maine achnak se bedroom ki khidaki khol dee. Uas samay raat ke koi 2 baj rahe the. khidaki khulane par sirf saayn saayn hawa chalane ki aawaj aa rahee thee, ki achanak mere kaan me chha-chhan ke aawaj padi. Maine pahele to aawaj par dhyan nahi diya par aawaj band nahi ho rahee thee.
Maine khidaki se charo taraf dekh to koi nahi dikha. Mai thoda dar gaya aur jhat se khidaki band karke ke aapne bistar par jaakar so gaya. Raat bhar mujhe neend nahi aayee aur subah uthkar mai school chala gaya. School se lautane ke baad mai Bahadur ke pass gaya. Bahadur hamari building me pichhale 12 saal se watchman hai. Maine kaha Bahadur eas building me kabhi kuchh hua tha kya.
Bahadur ne mera sawal sunate hee kaha, kuchh hua tha ka kya matlab. Maine bahadur se kaha ki kabhi yaha koi bhut pret ke saaye ka jikra hua hai. Bahdur ne kaha maine to aaj tak koi bhut pret ke baare me nahi suna. Haa, lekin kuchh saal pahele yaha ek married couple rahata tha. Dono ki nayi - nayi shadi hui thee. Pahele kuchh mahine to sab kuchh normal tha lekin baad me dono ka aapas me roz jhagda hota tha.
Maine tak - taki lagakar Bahadur ki baat sun raha tha. Bahadur ne kaha ki unke beech ke jhagade badhte gaye aur ek din Madam ne apne ghungaru ke payal ki rassi bana kar aatm hatya kar lee. Madam kathak nrity karti thee to usane apni jaan bhi apne ghungaru ke saath de dee. Bahadur aage kuchh bolta ki maa ne mujhe upar se aawaj dekar ghar par aane ko kaha aur mai ghar chala gaya.
Raat ko jab mai padhane baitha tab maine har tuti hui kadi ko jodna chalu kiya. Mere hisab se ye vohi dancer ladki ki aatma hai jo raat ko pareshan hokar ghumati hai. Maine apni dusari taraf rahene wale Manek se bhi eas baat ka jikra kiya tha par usane kaha ki usake bedroom me to koi aawaz nahi aati. Raat ko padhate padhte maine phir se khidaki kholi aur chhan chhan ki aawaj mere kano me gujane lagi.
Mera dhyaan achnak se Emali ke ped ki taraf gaya. Jab maine aawaj par kafi dhyaan diya to mujhe ye confirmation ho gaya tha ki ho na ho Chudail eas ped par raheti hai aur shayad se eas liye sirf mujhe hee usake payal ki aawaz sunai deti hai. Maine man hee man socha ki vo mujhse kya chahati hai aur sote sote so gaya. Agale din raviwar tha to mai uath kar sidhe khelane chala gaya.
Khel ke maidan se aane ke baad maine uas ped par chadkar chudail ka baser dhundhane ki thaan lee. Mai turan ped ke sabe se upar hisse par pahuch gaya. Vaha se main apni nigahe charo taraf daudai aur achaanak mera dhyan ped ki dal ki taraf gaya jo aur daliyo se chhupi thee. Maine vaha par bachoo ke khilaone wale ghungaru ki mala dikhi. Mai Chudail ki sachhai jaan chuka tha.
Mai Ghungaru uthakr ghar le aaya. Phir kabhi maine chudail ke ghungaru ki aawaj nahi suni.
Doing Kamaal,
Kamal Upadhyay
No comments:
Post a Comment